RAMZAN WA ROZE KI FAZILAT

Hazrat-e-Abu-Hurairah-Radiyallahu-t’aala-Anhu Farmate hain k Huzoor Sallallahu T’aala Alaihiwasallam Farmate hain “Jab Ramzaan aata hai, aasmaan ke darwaze khol diye jaate hain. Ek riwayat Mein hai eK “Jannat ke darwaze khol diye jaate hain.”Ek Riwayat Mein hai k “Rehmat ke darwaaze khol diye jaate hain” (Bukhari sharif – Muslim Sharif)

Hazrat-e-Abu-Hurairah-Radiyallahu-T’aala-Anhu Se riwayat hai k Huzoor – e – Aqdas sallallaahu T’aala Alaihi wasallam ne farmaya ke “Ramzan Aaya ye barkat ka mahina hai Allah T’aala iske roze tum par farz kiye, Isme Aasman Ke Darwaze khol diye jaate hai aur dozakh ke darwaaze bandh kar diye jaate hai aur sarkash shaitaanon ke tauqe daal diye jaate hain.     (Nasai Sharif)

Hazrat-e-Sahal-ibne-saad-Radiyallahu-T’aala-Anhu Se Marwi hai k Rasoolullah Sallallahu T’aala Alahi Wasallam Farmate hain “Jannat Mein 8 darwaze hain,unme ek darwaze ka naam RAIYYAAN hai Uss darwaaze Se wohi jaayenge jo roze rakhte hain. (BUKHARI)

Hazrat-e-Abu-Hurairah-Radiyallahu-T’aala-Anhu se Riwayat hai k Rasoolullah Sallallahu T’aala Alaihi Wasallam ne Farmaya “ Jo Imaan ki wajah se Aur sawaab ke liye Ramzaan ka Rozah Rakhega uske Gunaah bakhsh diye jaayenge aur jo imaan aur sawaab ki Niyyat se ramzaan ki raaton ke qayaam karega ( Nawafil padhega) uske agle gunaah maaf kar diye jaayenge. (Bukhari Sharif – Muslim Sharif)

Hazrat-e-Abu-Hurairah-Radiyallahu-T’aala-Anhu se Riwayat hai k Huzoor-E-Aqdas Sallallahu T’aala Alahi Wasallam Irshad Farmate hain Agar kisine ek din nafl Rozah rakha Aur Zameen Bhar use sona diya jaaye jab bhi uska sawab poora na hoga. Uska Sawaab to qayaamat hi ke din milenge. (Tibrani)

Hazrat-e-Abu-Hurairah-Radiyallahu-T’aala-Anhu se Riwayat hai k Rasool-E -Akram Sallallahu T’aala Alaihi Wasallam ne farmaya “Har cheez ke liye zakaat hai aur badan ki zakaat Rozah hai aur Rozah Aadha sabr hai.  (Ibn-e-Majah)

Hazrat-e-Abu-Masood-Gaffar- Radiyallahu-T’aala-Anhu se Riwayat hai ke Huzoor-E-Aqdas Sallallahu T’aala Alaihi Wasallam ne Irshad Farmaya “Agar Bandon ko maloom hota k ramzaan kya cheez hai to Meri ummat tamanna karti ke poora saal ramzaan hi ho.  (Ibn-e-Khuzaima)

Hazrat-e-Salmaan-Farsi-Radiyallahu-T’aala-Anhu se Riwayat hai k Huzoor-e-Aqdas Sallallahu T’aala Alaihi Wasallam ne Irshad Farmaya “ Ramzaan ki Raat Mein Qayaam (Namaaz padhna)Tato’o( Sunnat hai) Jo Isme Neki ka koi kaam kare to aisa hai jaise aur kisi mahine Mein farz ada kiya aur Isme jisne farz ada kiya to aisa hai jaise aur dino Mein 70 farz adaa kiye.  (Baihaqi Sharif)


Fatal error: Uncaught Exception: 12: REST API is deprecated for versions v2.1 and higher (12) thrown in /home/irfansid/digitalhadith.com/wp-content/plugins/seo-facebook-comments/facebook/base_facebook.php on line 1273