RAMZAN AUR ROZE.

Ramzan islami hizri saal ka 9wa mahina hai. Issi mahine mai QURAN utara gaya. Issi pure mahine ka roza farz kiya gaya. Arbi jaban mai roze ke liye sawm, siyam ka lafz istimal howa hai jiska matlab hai-ruk jana. QURAN MAZID mai Allah paak ne farmaya-aye momino! Tumahre liye ramzan mahine ke roze farz kiye gaye, usi taraha jayese agale walo par jo tumsepahele gujar chuke, farz kiya gaya thha. Roze isliye farz kiye gaye taki tum parhezgar ban jao. Yah roze ginati ki chand din ( 29 ya 30 ) hai. tum mai se agar roza rakhna mumkin na ho to jitne roze chhote gaye, utne roze baad mai rakhkhe aur roza rakhne ki ummid hi na ho fir har roze ke badle tono time ek miskin ko khana khilaye. Aur agar roza rakhkhe to bahut hi behetar hai.
Ramzar waha mahina hai jismai QURAN nazil hua. Wah hidayat ka saman hai logo ke liye, usmai Allah paak na hidayat ki baate khol-khol kar bayan kar di hai. Waha baate hak wa batil ko alag-alag kar deti hai. Jo bhi yaha Mubarak mahina paye to usse chahiye ki pure mahine ke roze rakhkhe. Allah paak tumhe kisi pareshani mai nahi dalna chahata balki wah to ashani chahata hai (isliye to bimari ya safar ki halat mai roza narakhne ki chhut deta hai) yaha ashani isliye hai taki tum pure-pure roze rakhkho aur Allah ke un ayesano ka sukriya ada karo jo usne tum par kiya.
( tumhe hidayat bakshi)
Roze ke ahakaam bayan farmate hua Allah paak ne farmaya- roze ki raato mai tumhari liye tumhari bibiyon se sohobat karne jayaz karar diya gaya (isse pahele jayaz nahi thha) wah tumhara libaas hai aur tum unak libaas ho. Allah ko malom thha ki tum unke pass jane mai khayanat karte thhe (ramzan ki rato mai bibiyon se sohobat kar baythte thhe) is wazaha se usne tum par rahem farmaya (aur ramzan ki rato mai apni bibiyon se sohobat karna jayaz kar diya) aur usne tumhari pichli harkato ko maaf farma kiya. Ab tumhare liye jayaz hai ki tum unse sohobatkaro aur Allah ne tumhari kismet mai jo (awlad) likh diya hai usse talab karo. Aur raat mai subaha sadiq hone se pahele-pahele khao-piyo. Fir roze ko raat (suraz dobne) tak pura karo. Aur jab tum masjido mai ETEQAF mai baythhe ho to fir apni awrato se ham bistari na karo. Yaha Allah ki hade hai. Iski khilafwarzi na karna. Allah paak apna hukkumissi tarah khol-khol kar bayan farmata hi taki (log us par amal kar ke) parhezgar bane.
(SUR-E-BAKAR)
Parhezgar banne ke liye roze sabse behetarin nuksha hai. Roze ki halat mai rozdar ke liye halal chize bhi haram ho jati hai. Adimi ko apne ap par jabartast sabar karna padta hai. Isse inshan ke andar ek jbardasht takat payeda hoti hai. Sabar karne ka zasba payda hota hai. Inshan roze ka khayal karke jhhoth, gibat wagaira jayesi kai burayiyon se bach jata hai. Mahine bhar ka sabar rozedar ko muttaki wa parhezgar banana mai jabardasht madad karti hai. Fir to inshn ramzan ke baad bhi kai tarah ki burayiyon se bach jata hai. Roze rakhne se insha ka nafsh paak hota hai. Roza ki barkat se badan bhi paak raheta hai aur sayetan usse dur bhagta hai.
Bukhari wa muslim ki hadith hai. Allah ke rasul ne farmaya-nawjawan ! jinhe nikah karne aur uski jimmedariya nibhane ki takat ho waha to nikah kar hile aur jinhe iski takat na ho to unhe chahiye ki khub roze rakhkha kare kaki roze ki barkat se nafs kamjor ho jaye aur adimi ko gunaho ki taraf na le ja sake.
Roze ke bare mai Allah ke rasul ne farmaya- inshan ke har nek amal ka sawab 7 se 700 guna bada diya jata hai lekin roze ki baat to aur hi hai. Iske bare mai allah pak ne farmaya- roza to mere liye hai aur uska badla mai hi duga. Banda mere liye apni khwhish aur khana-pina chhod deta hai. Rozedar ke liye 2-khushiya hai. 1-khushi to roza kholne ke waqt hasil hoto hai. Rozedaar ke muuh ki mahek to allah ko mushk wa abbar sebhi jayeda pasand hai. Isliye jab tumhara roza Ho to koi gandi baat jabn par na lao, shor-hangam na karo. Agar koi tumhe gali de ya tum se ladayi kare to usse kaha do ki – main roze se ho.
HAZRAT ABU-HURAIRA-RAZIALLAH-TA-AALA-ANHO-farmate hai- Allah ke pyare RASUL ne farmaya- 3-adimi ayese hai jinki dua rad nahi hoti. 1-Roza iftar karte waqt rozedaar ki dua. 2- inshaf karne wala hakim. 3- mazlom. Allah paak apne mazlom bande ki dua jaror Qabul farmata hai, bhale hi kuch der lag jaye.
Is mahine mai rozdaar ko iftar kara ne walo ke gunah bakhsh diye jate hai. Usse Dozakh ki aag se chhotkara mil jata hai. Iftar karane wale ko bhi rozedaar jitna sawab milta hai. Kisi ke sawab mai koi kami nahi hoti.
ALLAH KE RASUL NE FARMAYA- RAMZAN MAHINE MAI

[1] LAILAHA IL-LALLAH……………KHUB PADE.
[2] APNE GUNAHO SE KHUB-KHUB MAFI MAGO.
[3] JANNATUL FIRDAWSH KE LIYE KHUB-KHUB DUA MAGO.
[4] DOZAKH SE PANAH MALTE RAHO.

Jo adimi roza rakhkhe lekin uska ehetaram na kare, jhuth bole, gibat kare to us-se bhukh-pyas ke alawa aur kuch nahi milega. Isliye hamai apni puri mehenat ka pura-pura fal pane ke liye Allah washte Quran wa sunnat ki rawshni mai RAMZAN aur rozo ka hak aada karna chahiye. Allah paak har dini bhai-bahen ko RAMZAN ki barkate nashib farmaye aur apne habib ke sadke mai hamari ibadate Qabul farmaye. AMEEN!!