Quran Aur Ramzan

Allah Paak ne Quran Majid mai ramzan wa Quran ka bayan ek sath is andaz mai farmaya hai ki ek-dusre ki fazilat ek se badkar ek nazar ati hai. Allah paak ne Farmaya – Ramzan wah mahina hai jismai Quran nazil kiya gaya. Isko alag-alag andaz se samjha – socha ja sakta hai. Quran jayesi hidayat ki badi kitab nazil farmane ke liye ramzan ka intekhab ya ramzan jayse Mubarak mahine mai Quran ka nuzul. Baherhall yah dono hamare liye Allah ka behetarin inam hai.

Quran ki fazilat ka bayan farmate huwe Allah ke rasul ne farmaya – sab se achchey wah log hai jo khud Quran ki talim hasil kare aur dusro ko bhi uski talim de.

Quran sharif ki barkate besumaar hain. Allah ke rasul farmate hai – Aapne gharo ko Qabrishtan na banao, jis ghar mai sure bakra: ki tilawat hoti hai, shaytan waha se bhag jata hai.

Quran paak ki tilawat jikr wa dua se behetar hai. Allah ke rasul ne farmate hain – Allah ka farman hai – Jo adimi Quran majid ki tilawat karne mai ayesa mashgul (Busy) rahe ki use koi aur dusre jikr karne aur mujh se dua mangne ki bhi yaad na rahe. Main usse dua mangne wale se bhi behetar chez ata karoga.

Quran sharif Allah ka kalam hai, bahut Mubarak kitab hai. Iska yah matlab nahi ki isse ek mubark kitab mante huwe isse barkat ke liye apne gharo mai rakhkhey. Shirf ghar mai rakhne se iski barkat hasil nahi hoti, balki isse padhne aur samjhna chahiye aur uski talim par amal karne ki har mumkin koshish karni chahiye. Yah hidayat bhari kitab hai. Issi ke andar hamari duniya wa akhirat ke liye behetarin nukhse hai. Allah ke rasul farmate hai – Jo adimi Quran padhta hai aur uske mutabik amal karta hai, Allah paak Qayamat ke din uske Maa-Baap ko ayesa taj pahenayega jiski chamak suraj ki rawshni se bhi kahi jayeda hogi.

Quran ki tilawat ki barkat se dil Eman ke noor se rawshan hota hai. Musalman ka eman taza wa mazbut hota raheta hai. Adimi agar nekiyon se dur rahe, Namaz ki pabandi na kare to uska dil dhire-dhire daagdaar hone lagta hai, emaan kamzor aur neki ki tawfik khatam hoti jati hai. Ayesi surat mai Quran ki tilawat behetarin sahara sabit hoti hai. Uski barkate se dil ka adhera dur hota hai, usmai emaan ki shama jagmagane lagti hai. Allah rasul farmate hain – Dil ko bhi jang lag jata hai jis tarah ki lohe ko pani ki nami se jang lag jaya karta hai. Lohe ke jang ko aag mai tapa kar dur kiya jata hai aur dil ka jang dur karne ke liye Quran ki tilawat karni chahiye aur maut ko bhi khub yaad rakhna chahiye.

Post by – Farzana Sadiq Rampuri


Fatal error: Uncaught Exception: 12: REST API is deprecated for versions v2.1 and higher (12) thrown in /home/irfansid/digitalhadith.com/wp-content/plugins/seo-facebook-comments/facebook/base_facebook.php on line 1273