Inshan-Kudrat Ka Azim Shahkaar

Ham sab khuda ke bande hai, ussi ne hame paida kiya. Inshan duniya mai kudrat ka ek azim shahkaar, namuna hai. Kudrat ne inshan ko paida farmane ke sath hi usse bahut si khubiya aur sahaliyat se bhi nawaza. Taki un khubiyon ke badolat hamari zindagi mai nikhar aye. Hame tarah – tarah ke elm aur hunar se nawaza aur uski paida ki hui chezo se faiz wa faida hashil karne ek liye hame akal salim ata farmayi taki ham apna achchha pura samjh sake. Hame zindagi guzarne ke liye ek Qanuni kitab ata farmayi jisse quran majid kaha jata hai waha paak Qanun zindagi mai har mod par hamari rehnumai karta hai. Hamara farz hai ki ham Allah ki bakhshi hui apni duniyavi zindagi ko uske Qanun ke mutabik guzare.

Magar afsos, aaj ham us khudayi qanun se anjan aur gafil hai. Ham momin hai. Allah wa rasul par eman rakhte hai, quran majid ko Allah ka kalam mante hai lekin ham mai kitne ayese  bhi log hai jinhe quran padhna hi nahi ata aur na hi uski koshish karte aur zarorat mehesus karte hai. Allah ke fazal se jin hazraat ko quran padhna ata hai un mai se shayad kuch hi log ayese hoge jo usko samjhte hoge ya zarorat padne par usse samjhne ki koshish karte hoge. Jab ham samjhege nahi to fir us par amal kaise karege.

Hamne Quran majid ko islam ki ek Mubarak kitab samjh liya aur bas. Behsak yaha Mubarak kitab hai lekin shirf barkat ke waste ghar mai rakhne ke liye nahi bakli usse samjhne aur us ki talim par amal karne ke liye hai. Beshak Quran ayesi Mubarak kitab hai jisse padhna ibadat, jisse sunna ibadat , jisse chhuna ibadat. To fir jara gawar kijiye –usse padhna, samjhna aur us par amal karna kitni badi ibadat hogi. Khuda ke liye is Mubarak kitaab ko apne ghar ke taak ki hi zinat na banaye balki usse samjhne aur samjh kar us par amal karne ki koshish bhi kijiye. Quran majid mai hamari din-duniya ki bhalayiyon ke liye hidayat mauzud hai. Agar ham quran majid ko samjhne lage to namazo mai bhi hame badi rohani lazzat mehesos hogi aur ham is baat ki bhi koshish karege ki zindagi ke kis mamle mai Quran ne hame kis tarah rehnumayi farmayi hai. Allah paak ham sabko ayesi tawfik de…..Ameen!!!

Ye Post Sirat-e-mustakim se li hui hai – Author


Fatal error: Uncaught Exception: 12: REST API is deprecated for versions v2.1 and higher (12) thrown in /home/irfansid/digitalhadith.com/wp-content/plugins/seo-facebook-comments/facebook/base_facebook.php on line 1273